03✅KALVISOLAI JOB ALERT - WhatsApp Group || GROUP 1 || GROUP 2 || GROUP 3 ||
01✅KALVISOLAI JOB ALERT - Facebook Page
LATEST STUDY MATERIALS - ALL

Sunday, January 5, 2020

RBI RECRUITMENT 2019 | RBI அறிவித்துள்ள வேலைவாய்ப்பு அறிவிப்பு.விண்ணப்பிக்க கடைசி நாள் : 20.01.2020.

  • RBI RECRUITMENT 2019 | RBI  அறிவித்துள்ள வேலைவாய்ப்பு அறிவிப்பு.
  • பதவி : உதவியாளர் உள்ளிட்ட பணி .
  • மொத்த காலிப்பணியிட எண்ணிக்கை : 926 .
  • விண்ணப்பிக்க கடைசி நாள் : 20.01.2020.
  • இணைய முகவரி : https://www.rbi.org.in/
ரிசர்வ் வங்கியில் உதவியாளர் பணிக்கு 926 பேர் தேர்வு செய்யப்படுகிறார்கள். பட்டதாரிகள் இந்த பணிகளுக்கு விண்ணப்பிக்கலாம்.

இது பற்றிய விரிவான விவரம் வருமாறு:-

ரிசர்வ் வங்கி, வங்கிகளின் வங்கி என அழைக்கப்படுகிறது. இந்த வங்கியில் அதிகாரி மற்றும் அலுவலராக பணி புரிவது பலரின் கனவாகும். தற்போது இந்த வங்கியில் உதவியாளர் பணியிடங்களை நிரப்ப அறிவிப்பு வெளியிடப்பட்டு உள்ளது.

மொத்தம் 926 பேர் தேர்வு செய்யப்படுகிறார்கள். சென்னைக்கு 67 இடங்கள் உள்ளன. திருவனந்தபுரம், கொச்சிக்கு 20 இடங்களும், மும்பைக்கு அதிகபட்சமாக 419 இடங்களும் உள்ளன. நகரங்கள் வாரியான பணியிட விவரத்தை முழுமையான அறிவிப்பில் பார்க்கலாம்.

இந்த பணிகளுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்க்கலாம்...

வயது வரம்பு

விண்ணப்பதாரர்கள் 1-12-2019-ந் தேதியில் 20 வயது பூர்த்தி அடைந்தவர்களாகவும், 28 வயதுக்கு உட்பட்டவர்களாகவும் இருக்க வேண்டும். ஓ.பி.சி., எஸ்.சி., எஸ்.டி. பிரிவினர், மாற்றுத்திறனாளிகள், முன்னாள் ராணுவ வீரர் களுக்கு அரசு விதிகளின்படி வயது வரம்பு தளர்வு அனுமதிக்கப்படும்.

கல்வித்தகுதி

ஏதேனும் ஒரு பிரிவில் பட்டப்படிப்பு படித்தவர்கள் இந்த பணியிடங்களுக்கு விண்ணப்பிக்க முடியும்.

கட்டணம்

பொது மற்றும் ஓ.பி.சி. பிரிவினர், பொருளாதாரத்தில் நலிவடைந்தவர்கள் 450 ரூபாய் கட்டணமாக செலுத்தி விண்ணப்பிக்கலாம். எஸ்.சி., எஸ்.டி. பிரிவினர், மாற்றுத் திறனாளிகள், முன்னாள் ராணுவ வீரர்கள் ரூ.50 செலுத்தினால் போதுமானது.

விண்ணப்பிக்கும் முறை

விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். ஜனவரி 16-ந் தேதி விண்ணப்பிக்க கடைசிநாளாகும். ஜனவரி 31-ந் தேதிக்குள் விண்ணப்பத்தை கணினிப் பிரதி எடுக்கலாம். முதல்நிலை ஆன்லைன் தேர்வு பிப்ரவரி 14,15-ந் தேதிகளில் நடத்த உத்தேசிக்கப்பட்டு உள்ளது. முதன்மை ஆன்லைன் தேர்வு மார்ச் 2020-ந் தேதி நடத்தப்பட உள்ளது.

அதிகாரி பணிகள்

மற்றொரு அறிவிப்பின்படி சட்ட அதிகாரி, மேலாளர் உள்ளிட்ட பணியிடங்களுக்கு 17 பேர் தேர்வு செய்யப்படுகிறார்கள். குறிப்பிட்ட பாடங்களில் முதுநிலை படிப்பு படித்தவர்களுக்கு இந்த பணியிடங்களில் வாய்ப்பு உள்ளது. பணி அனுபவம் அவசியம். இது பற்றிய விவரங்களை இணையதளத்தில் பார்த்து அறிந்து கொண்டு, ஜனவரி 20-ந்தேதி வரை விண்ணப்பம் சமர்ப்பிக்கலாம். விண்ணப்பிக்கவும், விரிவான விவரங்களை தெரிந்து கொள்ளவும் https://www.rbi.org.in/ என்ற இணையதள பக்கத்தைப் பார்க்கவும்.

No comments:

Post a Comment

Popular Posts