மத்திய கூட்டுறவு வங்கிகளின் தமிழக கிளைகளில் 963 உதவியாளர் பணியிடங்களை நிரப்ப அறிவிப்பு வெளியாகி உள்ளது.

• மத்திய கூட்டுறவு வங்கிகளின் தமிழக கிளைகளில் 963 பணியிடங்கள் அறிவிக்கப்பட்டு உள்ளன. 
• மத்திய அரசின் மாவட்ட கூட்டுறவு வங்கிகள் தமிழகத்தின் பல்வேறு மாவட்டங்களிலும் செயல்பட்டு வருகிறது. தற்போது இந்த வங்கிகளில் அசிஸ்டன்ட் (உதவியாளர்) பணியிடங்களை நிரப்ப அறிவிப்பு வெளியாகி உள்ளது. 
• மொத்தம் ஆயிரத்துக்கும் மேற்பட்ட பணியிடங்கள் நிரப்பப்பட உள்ளன. விண்ணப்பிக்க அவகாசம் உள்ள காலிப்பணியிடங்கள் பற்றிய விவரங்களை இங்கு பார்க்கலாம்.
• மொத்தம் 963 இடங்கள் உள்ளன. வங்கி வாரியான பணியிட விவரம்: காஞ்சிபுரம் மத்திய கூட்டுறவு வங்கி - 238, தர்மபுரி கூட்டுறவு வங்கி - 119, கிருஷ்ணகிரி கூட்டுறவு வங்கி - 50, மதுரை கூட்டுறவு வங்கி - 79, திருப்பூர் கூட்டுறவு வங்கி - 68, தஞ்சாவூர் கூட்டுறவு வங்கி - 163, கன்னியாகுமரி - 40, திருநெல்வேலி - 70, பெரம்பலூர்- 21, வேலூர்- 60, விருதுநகர் - 55. 
• இந்த பணியிடங்களுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்ப்போம்.
• வயது வரம்பு விண்ணப்பதாரர்கள் 1-1-2019-ந் தேதியில் 18 வயது பூர்த்தி அடைந்தவர்களாகவும், 30 வயதுக்கு உட்பட்டவர்களாகவும் இருக்க வேண்டும். எஸ்.சி., எஸ்.டி., எம்.பி.சி. பிரிவினர், முன்னாள் ராணுவ வீரர்கள், மாற்றுத் திறனாளிகள் ஆகியோருக்கு உச்ச வயது வரம்பு தடையில்லை. 
• பொதுப்பிரிவு முன்னாள் ராணுவ வீரர்கள் 48 வயதுடையோரும், மாற்றுத்திறனாளிகள் 40 வயதுடையோரும் விண்ணப்பிக்கலாம். கல்வித்தகுதி ஏதேனும் ஒரு பிரிவில் பட்டப்படிப்பு தேர்ச்சி பெற்றவர்கள் விண்ணப்பிக்கத் தகுதியானவர்கள். 
• இவர்கள் பட்டப்படிப்பை இடைவிடாமல் (10+2+3 என்ற ஆண்டு வரிசையில்) தொடர்ச்சியாக படித்துமுடித்திருக்க வேண்டும். 
• கணினி அறிவு அவசியம், தமிழை ஒரு பாடமாக படித்திருக்க வேண்டும். கட்டணம் பொதுப் பிரிவு மற்றும் எம்.பி.சி. விண்ணப்பதாரர்கள் ரூ.250 கட்டணம் செலுத்தி விண்ணப்பிக்க வேண்டும். 
• எஸ்.சி., எஸ்.டி. பிரிவினர் மற்றும் மாற்றுத் திறனாளிகள், முன்னாள் ராணுவ வீரர்கள், விதவைகள் இந்த கட்டணம் செலுத்த வேண்டியதில்லை. 
• தேர்வு செய்யும் முறை எழுத்துத் தேர்வு மற்றும் நேர்காணல் அடிப்படையில் தகுதியானவர்கள் தேர்வு செய்யப்படுவார்கள். 
• விண்ணப்பிக்கும் முறை விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். 
• ஒவ்வொரு மாவட்ட கூட்டுறவு வங்கிக்கும் விண்ணப்ப அவகாச காலம் மாறுபடுகிறது. 
• தர்மபுரி, காஞ்சிபுரம் கூட்டுறவு வங்கி காலியிடங்களுக்கு வருகிற 5-ந்தேதிக்குள் விண்ணப்பிக்க வேண்டும். 
• விருதுநகர் கூட்டுறவு வங்கி பணிக்கு செப்டம்பர் 6-ந் தேதிக்குள்ளும், திருநெல்வேலி மாவட்ட காலிப்பணியிடங்களுக்கு செப்டம்பர் 7-ந்தேதிக்குள்ளும் விண்ணப்பம் சமர்ப்பிக்க வேண்டும். 
• திருப்பூர், பெரம்பலூர், தஞ்சாவூர் மாவட்ட காலிப்பணி களுக்கு செப்டம்பர் 13-ந் தேதியும், கன்னியாகுமரி பணிகளுக்கு 11-ந்தேதியும் விண்ணப்பிக்க கடைசி நாளாகும். 
• வேலூர் மாவட்ட பணிகளுக்கு செப்டம்பர் 25-ந் தேதிக்குள் விண்ணப்பிக்க வேண்டும். விண்ணப்பம் சமர்ப்பிக்கவும், விரிவான விவரங்களை அறிந்து கொள்ளவும் அந்தந்த மாவட்ட கூட்டுறவு வங்கியின் இணையதள பக்கங்களை பார்க்கவும்.

Share: