மத்திய அரசு துறைகளில் மொழிபெயர்ப்பாளர் பணி

• மத்திய அரசு துறைகளில் மொழி பெயர்ப்பாளர் பணிக்கான எழுத்துத் தேர்வு அறிவிக்கப்பட்டு உள்ளது. 
• மத்திய அரசு துறைகளில் ஏற்படும் பல்வேறு பணியிடங்களை ஸ்டாப் செலக்சன் கமிஷன் (எஸ்.எஸ்.சி.) அமைப்பு நிரப்பி வருகிறது. 
• தற்போது பல்வேறு அரசுத் துறைகளில் ஏற்பட்டுள்ள ‌ஜூனியர் இந்தி டிரான்ஸ்லேட்டர், ஜூ‌னியர் டிரான்ஸ்லேட்டர், சீனியர் இந்தி டிரான்ஸ்லேட்டர் மற்றும் இந்தி பிரத்யாபக் போன்ற பணிகளுக்கான தேர்வு-2019 அறிவிக்கப்பட்டு உள்ளது. 
• இந்த தேர்வின் மூலம் ஏராளமான பணியிடங்கள் நிரப்பப்பட உள்ளன. காலியிடங்கள் பற்றிய விவரம் விரைவில் வெளியாகும். 
• இந்த தேர்வுக்கு விண்ணப்பிக்க விரும்புபவர்கள் பெற்றிருக்க வேண்டிய தகுதி விவரங்களை இனி பார்ப்போம்... 
• வயது வரம்பு விண்ணப்பதாரர்கள் 1-1-2020-ந் தேதியில் 30 வயதுக்கு உட்பட்டவராக இருக்க வேண்டும். எஸ்.சி., எஸ்.டி. பிரிவினர் மற்றும் ஓ.பி.சி. பிரிவினர், மாற்றுத்திறனாளிகள், முன்னாள் படைவீரர்களுக்கு அரசு விதிகளின்படி வயது வரம்பு தளர்வு அனுமதிக்கப்படுகிறது. 
• கல்வித்தகுதி மொழி சார்ந்த பாடங்களில் முதுநிலை படிப்பு படித்தவர்கள், பட்டப்படிப்புடன், மொழி பெயர்ப்பு டிப்ளமோ படிப்பு படித்தவர்கள், மொழி பெயர்ப்பு பணியில் அனுபவம் பெற்றவர்களுக்கு வாய்ப்பு உள்ளது. 
• கட்டணம் பொது மற்றும் ஓ.பி.சி. பிரிவினர் ரூ.100 கட்டணமாக செலுத்த வேண்டும். எஸ்.சி., எஸ்.டி. பிரிவினர் மற்றும் மாற்றுத் திறனாளிகள், பெண் விண்ணப்பதாரர்கள் இந்த கட்டணம் செலுத்த வேண்டியதில்லை. 
• விண்ணப்பிக்கும் முறை விருப்பமும், தகுதியும் உள்ளவர்கள் இணையதளம் வழியாக விண்ணப்பம் சமர்ப்பிக்கலாம். விண்ணப்பிக்க கடைசி நாள் 26-9-2019-ந் தேதியாகும். 
• வங்கி வழியாக கட்டணம் செலுத்த கடைசிநாள் 28-9-2019-ந் தேதியாகும். 
• இதற்கான கணினி அடிப்படையிலான (தாள்1) தேர்வு 26-11-2019 அன்று நடத்த உத்தேசிக்கப்பட்டு உள்ளது. 2-ம் தாள் தேர்வு பற்றிய அறிவிப்பு பின்னர் வெளியாகும். 
• இது பற்றிய விரிவான விவரங்களை www.ssc.gov.in என்ற இணையதளத்தில் பார்க்கலாம்.

Share: